Azken hilabeteetan, hainbat inkestek joera kezkagarri bat erakusten dute: gazteen artean ematen ari den ultraeskuineko korronte politikoen gorakada. Posizionamendu ideologikoan dagoen genero-arrakala geroz eta handiagoa da; gizon gazteek eskuin muturreko mugimendu eta alderdiekiko geroz eta sinpatia handiagoa duten bitartean, emakume gazteek, berriz, gehiago jotzen dute balio aurrerakoi eta berdintasunezkoetara.

Jarduera Politikoaren Behatokiak (LUPAK) antolatutako mintegi honek hausnarketarako gune bat ireki nahi du, joera politiko horiek berdintasunaren arloan lortutako aurrerapenei nola eragin diezaieketen aztertzeko eta, bereziki, emakumeek politikan duten parte-hartze erreal zein eraginkorrari. Saio honetan, Ainhoa Novo EHUko Politika Zientziako irakasle zein ikertzailea eta Lionel Delgado Maskulinitateetako, (anti)feminismoetako eta Berdintasuneko ikerlari zein dibulgatzailea eta Bróders proiektuaren sortzailea izango ditugu hizlari gisa.